lognsimi.jpg - 90Kb

Velkominn!
Þetta er heimasíðan mín og ég er LOGNIÐ UNDAN STORMINUM og hér til hægri á síðunni sjáið þið mynd af mér þegar ég var krakki. Þið sem þekkið mig sjáið auðvitað að ég komst snemma í snertingu við símann og vitið að ég hef varla sleppt honum síðan.

Ég hef verið kallaður "Lognið" af vinum mínum og félögum síðan 1994 og er ég skráður í símaskránni undir þessu nafni, auk þess sem bíllinn minn ber einkanúmerið "Lognið". Ég var reyndar oft kallaður "blíða-logn" þegar ég var krakki, Óli bróðir var kallaður "Óli kaldi" og pabbi er/var/verður kallaður "Óli stormur" eða bara "Stormurinn"
Svo kom að því að hugvitsmaðurinn "Ingi Hans Jónsson" var starfsmaður "Félags atvinnulífsins í Grundarfirði" s.l. sumar og sá hann um skipulagningu á hátíðinni á "Á góðri stundu í Grundarfirði" og datt honum í hug að nota viðurnefnið mitt til auglýsingar á hátíðinni. Sjá meira hér

Ég hef verið frekar latur við að uppfæra síðuna mína reglulega og veit ég ekki hvort það á nokkuð eftir að breytast. Ég er nýbúinn að endurskipuleggja allt heima hjá mér og er heimasíðan næsta verkefni en fyrirsjáanlegt er að ég ætti að geta verið meira heima og synt heimasíðunni betur en síðasta vetur.
Ég hætti á ísfisktogaranum Hring SH-535 www.Grhf.isí verkfallinu í s.l. vor og réði mig svo á Grundfirðing SH-24 www.soffi.comá þorsknetaveiðar ásamt Bjössa vini mínum. Síðan í s.l. haust hætti einnig nafni minn á Hringnum og kom á netin á Grunda.
Af eitthverum orsökum hefur s.l. tvö ár verið mikil endurnýjun í áhöfninni á mínu gamla skipi, en skoðið pistil um sjómennskuferil minn hér

logn.jpg - 15Kb Hér er ég á toppnum á Kirkjufelli með Grundarfjarðarbæ í baksýn.



Það sem er á dagskrá hjá mér á næstu dögum, er að gera alla valmöguleikana í valmyndinni vinstramegin á síðunni virka. Það hefur nefnilega lengi verið svo að upp kemur alltaf síða sem segir að viðkomandi síða sé í vinnslu. Mér finnst persónulega mjög leiðinlegt að skoða heimasíður sem ekki eru uppfærðar reglulega. Þá hættir maður fljótlega að nenna fara inn á þær. Þetta hef ég reyndar sjálfur orðið var við með síðuna mína, en hún hefur ekki verið uppfærð reglulega. Fyrstu mánuðina fékk ég eitthvað um 600 heimsóknir. Svo uppfærði ég síðuna 21.06.1999 og fékk nýjan teljara. En eins og þú sérð á teljaranum þá minkaði heimsóknafjöldinn mikið við það að síðan var ekki uppfærð reglulega, og ætla ég að breyta því. Ég setti svo enn nýjan teljara á síðuna 3.5.2001 og byrjaði enn einu sinni á 0 heimsóknum. Ef þú svo finnur eitthverja linka eða myndir á síðunni sem finnast ekki þá endilega sendu mér póst og segðu mér frá.
Hér fyrir neðan er bíllinn minn. Margir þeyr sem séð hafa bílinn eiga erfitt með að trúa að þetta sé FIAT. Mjög mörgum dettur fyrst í hug gömlu Fiat Uno bílskrjóðarnir þegar þeyr heyra minnst á FIAT. En það eru breytir tímar í dag og Fiat og dótturfyrirtæki smíða fallega og vandaða bíla t.d. hafa Fiat og dótturfélög hlotið oftast allra bílaframleiðanda titilinn "Bíll ársins í Evrópu". Nánari upplýsingar er hægt að fá á eftirfarandi síðum: Umboðið á Íslandi , Fiat , Alfa Romeo , Lancia , Ferrari , Maserati , Bíll ársins í Evrópu
asia_bravo.jpg - 13Kb Hér er mynd af bílnum mínum fyrir utan Grundarfjarðarbæ og á bílnum situr vinkona mín sem heimsótti mig "Á góðri stundu í Grundarfirði" sumarið 2000.