22.2.2004

Bjössi og Eyrún komu í heimsókn í gærkvöldi og byrjaði Bjössi á því að snúa upp á handleggin á mér og neyða mig til að drekka bjór.  Eftir það var ekki aftur snúið og fórum við að kanna næturlífið. Það var nú ekki mikið að gerast í miðbæ Grundarfjarðarborgar í gærkvöldi.  Það voru ákaflega fáir á skemmtistöðunum.  Það voru 6-8 manns á Krákunni en eitthvað fleiri á Kaffi 59
Núna (18:00) erum við Frank í bolluveislu hjá Óla & Jolu.  Svo er það blessaður bolludagurinn á morgun og ónefndur áhafnarmeðlimur, heimtar 100 bollur fyrir sig.  Helv.... græðgi í honum.




Meðfylgjandi mynd er af Viktoríu Ásu frænku þar sem hún borðaði bollur af bestu lyst.

21.2.2004

Bara eitt orð yfir aflabrögð dagsins, Bjössi!
En annars er laugardagskvöldið til að lyfta sér eitthvað upp.  Bjössi er búinn að vera reyna neyða mig til að fá mér bjór í kvöld og kíkja út á lífið.  Eins og ég eigi ekki ágætt líf með tölvunum mínum heima?  Klukkan 20:50 vantar mig 2 heimsóknir til að ná 5000 heimsóknum á vefinn minn.  Sá sem verður nr. 5000 endilega skildu eftir "þitt álit"

Kl. 21:16:45 skoðaði einstaklingur með Windows ME og Internet Explorer 5.5 vefinn minn.  Hann er með innhringi aðgang hjá Símanum internet og er IP talan hans 212.30.197.13.  Þessi einstaklingur kallar sig "skrappur" og hefur áhyggjur af Bjössa

20.2.2004

Það var svo lítill aflinn í dag að það er skelfilegt!!!   Af tillitsemi við Björn Kristján, ætla ég ekki að segja frá því hver líklegasta skýringin er á þessum aflabresti!
Það virðast vera orðnir 10-11 daglegir gestir á síðunni minni og c.a. 10 gestir daglega sem eru að koma í fyrsta skipti.  Þannig að daglegt meðaltal er orðið c.a. 21 heimsókn.  
 

19.2.2004

Til hamingju með afmælið í dag Emilia!!!

Bjössi kíkti í heimsókn.  Hann var ekki hamingjusamur með að vera kallaður fiskifæla.  Hann fær því morgundaginn, laugardaginn og mánudaginn til að afsanna kenninguna um að vera eða vera ekki fiskifæla.

18.2.2004

Æ,æ, það eru líkur á að fiskiríið í febrúar verði eyðilagt næstu dagana, en aftur fáum við Björn Kristján fiskifælu með okkur.  Já, jafnvel þótt Bjössi sé með duglegustu og skemmtilegustu mönnum sem ég hef verið með á sjó, þá er ekki gaman að hafa fiskifælu með. Maður er nú að stunda sjómennskuna til að hafa eitthvað kaup. 

16.2.2004

Það var ekki mikið líf í Grundarfirði á laugardagskvöldið, en þá fórum við á Krákuna og fengum okkur bjór.  Veðrið var líka skelfilegt svo það er ekkert skrítið að fólk hafi haldið sig heimavið.  Í dag vorum við með rúm 7-8 tonn. í netin. og vorum komnir í land kl. 13:15 og vorum á undan Haukaberginu!