Vika 6 2004

Lognið vaknaði bara snemma í dag. Var vaknaður fyrir kl. 7 og hafði ekkert að gera svo ég lagði mig bara aftur.
Svo er ég bara ekkert búinn að gera í dag nema laga teljarann fyrir ykkar álit á síðunni minn, en ég ætla að setja gestabók á síðuna hennar Viktoríu Ásu og taka fartölvuna hans Óla bróðir í gegn. Fyrst afrita gögnin af henni á geisladiska og svo setja tölvuna upp á nýtt þannig að hún verði sprækari í vinnslu. Svo auðvitað að setja upp eldvegg hjá honum.

Það er ótrúlegt hvað ég var sannspár með aflabrögðin í dag, helmingi minni afli en í gær, eða c.a. 5 tonn. Þetta er nú ekki gott fyrir orðsporið hans Bjössa, að vera fiskifæla. Ég held samt að við ættum að gefa honum eitthvern tíman einn séns í viðbót til að reyna afsanna að hann sé fiskifæla.

Í dag vorum við með fínan afla, 9-10tonn en útlitið er ekki bjart með morgundaginn þar sem við munum hafa Björn Kristján Ásgeirsson með okkur. Eftir að drengurinn fór í vélskólann hafa nánast allir lausaróðrar sem hann hefur farið komist á spjöld sögunar vegna aflabrests. Það er bara af góðmennsku að við höfum hann með til að reyna afsanna að hann sé fiskifæla.
Svo vorum við að fá samning um nýtt fiskverð sem gildir fyrir netavertíðina en atkvæðagreiðsla verður á morgun um fiskverðið.. Það er ekki hægt að segja annað um samninginn en hann sé frábær og á Siggi forstjóri þakkir skyldar fyrir þetta tilboð. Meðan flest allar útgerðir væla og skæla um hátt gengi íslensku krónunnar, lágt afurðarverð o.fl. þá getur Sigurður boðið okkur betra verð en á síðustu vertíð. Ég geri ráð fyrir því að samningurinn sé trúnaðarmál milli útgerðar og áhafnar og því verða engar tölur birtar.
Svo er framundan frí á sunnudaginn og því spurning um hvað maður gerir á laugardagskvöld???

Við erum fræknir fiskimenn................. 7 tonn í dag, 6t. í gær, 2,2t. í fyrra dag og 5t. á mánudag = c.a. 20tonn. Og það er bara byrjun febrúar.
Svo var Felipe Massa, ökumaður Sauber og tilraunarökuþór Ferrari að tjóna Sauber C23 bílinn í gær. Það brotnaði fjöðrunin á öðru framhjólinu og hann fór útaf á 300km hraða, en hann stóð upp óslasaður. Svo var Oliver Panis, á Toyota að klessa í dag og segja fréttir að Panis hafi sloppið við meiðsli.
Annars er sáralítið að frétta af mér. Lífið mjög einfalt, vakna, fara á sjóinn, koma heim af sjónum, fara á internetið og svo fara að sofa. Er þetta eitthvað líf? Það er annars rosalega gaman að vera byrjaður á netum aftur. Svo er frí á sunnudaginn, þannig að hægt er að kíkja á lífið um helgina. Langar reyndar dálítið að fara á þorrablótið en nenni ekki einn. Það er líklega ekkert að gerast á Krákunni eða Kaffi 59 um helgina. Alla vega fæ ég aldrei fréttir úr bæjarlífunu, þar sem ég fæ ekki vikublaðið Þeyr reglulega. Mjög, mjög langt síðan ég fékk blaðið síðast. Svo stendur í blaðinu að það sé borið í öll hús í Grundarfirði! Hann Hjörtur á neðri hæðinni fær líklega blaðið svo fullyrðingin gæti staðist. Hund fúlt!!!
Svo er dýri GSM síminn minn eitthvað að bögga mig. Líklega búinn að missa hann of oft. Spurning hvort það sé ábyrgðartjón eða tryggingarmál sem Sjóvá Almennilegir redda fyrir mig. Alla vega hafði ég vit á því að tryggja GSM símann minn hjá þeim.
Svo var ég að sjá athyglisverða mynd af fyrrverandi vinnufélag mínum, honum Birkir, á netinu, en þar sem maður þarf að vanda efnisval á vefinn minn þá ætla ég ekki að birta hana hérna. Þið sem endilega viljið skoða myndina geta farið inn á Humor.is og fundið hana þar undir "Beta rokk að láta sleikja á sér .........."

Dálítið fyndin ummæli hjá hæstvirtum forsætisráðherranum okkar, Davíð Oddssyni.

Í dag hef ég ekkert gert fyrir utan vinnuna. Við vorum reyndar í fyrra fallinu í landi og er ég bara búinn að vera vafra á netinu. Ég var að skoða heimasíður nokkurra fyrirtækja og stofnanna í Grundarfirði. Ég tók eftir því að Grunnskólinn okkar, sem ég stundaði nám í, er afskaplega konuvæddur vinnustaður, af 23* kennurum eru 20 þeirra konur, aðeins 1kk kennari er umsjónarkennari (15ára krakkar). Á leikskólanum eru allir starfsmenn konur og held ég að í framhaldsskólanum sé aðeins búið að ráða einn starfsmann, skólameistara sem er kona. Ekki það að ég hafi eitthvað á móti konum né telji þær verri kennara, heldur vaknaði sú spurning hjá mér hvort það sé ekki óeðlilegt að krakkar frá 2-16ára uppfræðist í menntastofnunum okkar nánast eingöngu af konum. Geta konurnar haldið uppi góðum aga í skólunum? Ég bara spyr er ekkert til af karlkyns kennurum lengur? Þegar ég var að alast upp voru hlutföllin önnur og voru t.d. flestir umsjónarkennarar mínir karlkyns. Karlmenn eru jú, með öðruvísi viðhorf til margra hluta en konur og ætti því kennsla að koma frá báðum kynjum í jafnara hlutfalli.. Ég vona nú bara að blessaður framhaldskólinn verði ekki 100% kvennaríki því ég held að krakkar verði að fá eitthvera þekkingu frá karlstofninum.
*taldi skólastjóra og kennara á vef Grunnskólans

Úff, ææ, mér var að berast kvörtun yfir efni á vefnum mínum. Þetta varðar efni sem ég setti inn 30.01.2004 og tók ég kvörtunina til greina þar sem ég skyldi vel tilefnið. Eina sem ég hef yfir kvörtuninni að kvarta er að hún barst mér frá þriðja aðila, þ.e. kvartað var við 3ja aðilla útaf efni á síðunni minni en ekki send kvörtun beint til mín. Ég bið ykkur öll sem hafið eitthverar athugasemdir eða ábendingar varðandi efnisval, uppsetningu, myndir, tengingar eða annað á vefnum mínum að senda mér póst á lognid@lognid.is

Ég verð að viðurkenna að athugasemdakerfið á síðunni minni er að virka flott. Þetta var auðvitað snilldar hugmynd hjá Tomma að benda mér á að setja þetta upp. Þetta hefur hleypt smá lífi í síðuna og er alltaf gaman að fá smá comment frá vinum og kunningjum. En það er reyndar eitt sem er ekki að virka, en það á að sjást hve margar athugasemdir eru komnar við hvert tilfelli, en ég fæ það bara ekki til að virka.

Ef þú hefur áhuga á að hafa samband við mig þá er hægt að senda tölvu-póst á: