25.6.2004

Jæja, búinn að fá þær upplýsingar að Paparnir séu að spila úti á Sandi í kvöld.
Heyrði einnig í Stebba í Ólafsvík og er hann víst búinn að skipta um lífsstíl.  Fór hann í meðferð og er hættur allri áfengis og fíkniefnanotkun. GOTT HJÁ HONUM!  Hann sagði alla vega að honum liði bara frábærlega og vona ég bara að hann standi sig.  Stebbi er kominn með nýja bloggsíðu á slóðinni aaboltinn.blogspot.com  Það er nú nokkuð flottur titilinn á síðunni hans, en hann er víst svona "Blogg hjá AA bolta" og undirtitill "Dagbók Flauels, hugleiðingar geðsjúkling !!!"

Það eru víst Færeyskir dagar í Ólafsvík þessa helgina og er spurning hvort þar sé eitthvað skemmtilegt að gerast.  Eitthver var að ljúga að mér að það sé ball með Pöpunum í kvöld, en ég hef reyndar hvergi fundið neinar upplýsingar um það.

23.6.2004 kl. 21:05

Þar sem ég áttaði mig á því að samkeppnisstofnun mun líklega reyna gera tölvurnar mínar upptækar við húsleit, þá er ég búinn að setja slagbrand á útidyrnar, taka pinnann úr magasíninu (svo hægt sé að hafa extra mikið af skotum) á Kúldaranum, byrgja mig upp af 3,5" haglaskotum og tilbúinn að mæta samkeppnisstofnun þegar þeir koma í heimsókn.  Einnig er ég búinn að byrgja mig upp af matvælum ef það tæki eitthverar vikur að berjast við þá.

23.6.2004

Úff, nú er ég líklegast grunaður um stóran glæp og er kominn undir smásjá samkeppnisstofnunar líkt og Baugur og olíufélögin.  Ég ber samt við sakleysi uns sekt er sönnuð.  Mér barst í dag tölvupóstur frá samkeppnisstofnun og bíð nú bara eftir fullum bílum af lögregluþjónum að framkvæma húsleit og gera heimilisbókhaldið upptækt.

Hér að neðan er bréfið birt í heild sinni svo þið getið sagt ykkar álit

To:            lognid@lognid.is

Subject:     Orðsending frá Samkeppnisstofnun vegna lénsins www.lognid.is

Orðsending frá Samkeppnisstofnun

Ágæti viðtakandi, þann 16. apríl 2002 tóku gildi lög um rafræn viðskipti og aðra rafræna þjónustu, nr. 30/2002. Í lögunum er meðal annars að finna reglur um upplýsingaskyldu þeirra sem veita rafræna þjónustu á Internetinu. Samkeppnisstofnun hefur eftirlit með því að þjónustuveitendur fylgi 6.-7. gr. og 9.-11. gr. laganna í starfsemi sinni.

Á léninu sem tengt er því netfangi sem orðsending þessi er send á, er veitt rafræn þjónusta í skilningi framangreindra laga. Við skoðun á síðum á léninu kom í ljós að þær upplýsingar sem þar er að finna uppfylla ekki ákvæði laganna, sérstaklega ekki 6. gr. þeirra.

Tilgangur Samkeppnisstofnunar með því að senda þessa orðsendingu er tvíþættur:
1.        kynna lög nr. 30/2002 um rafræn viðskipti og aðra rafræna þjónustu og vekja athygli á því að þau eiga við um þjónustu sem veitt er á framangreindu léni;
2.        hvetja yður til að aðlaga upplýsingagjöf á heimasíðu lénsins til samræmis við lögin.

Á slóðinni http://www.samkeppni.is/samkeppnislog/onnur_log/rafraen_thjonusta.pdf er að finna samantekt varðandi þau ákvæði laganna sem eftirlitsskylda Samkeppnisstofnunar lýtur að, þ.e. almennri upplýsingaskyldu, upplýsingaskyldu vegna markaðssetningar og upplýsingaskyldu í tengslum við samningsgerð. Þar er einnig að finna samantekt er varðar upplýsingaskyldu vegna sölu á vöru eða þjónustu til neytanda um Internetið, en um slík viðskipti gilda lög um húsgöngu- og fjarsölu nr. 46/2000.

Á slóðinni http://www.samkeppni.is/samkeppnislog/onnur_log/rafraen_neytendur.pdf er og að finna upplýsingar fyrir neytendur um atriði sem þeir ættu að hafa í huga við kaup á vöru og þjónustu á Internetinu.

Athygli skal vakin á að brot gegn 6.-7. gr. og 9.-11. gr. laga um rafræn viðskipti og aðra rafræna þjónustu varða sektum.

Með kveðju,
Samkeppnisstofnun


Allar frekari upplýsingar veitir Anna Birna Halldórsdóttir, virka daga milli kl. 11 og 12, í síma Samkeppnisstofnunar 552-7422.

Samkeppnisstofnun
Rauðarárstíg 10
Pósthólf 5120
125 Reykjavík
Sími 552 7422, bréfasími 562 7442
www.samkeppni.is

Vinsamlegast athugið að þessi tölvupóstur og viðhengi hans eru eingöngu ætluð þeim sem tölvupósturinn er stílaður á og gæti innihaldið upplýsingar sem eru trúnaðarmál. Hafið þér fyrir tilviljun, mistök eða án sérstakrar heimildar tekið við tölvupóstinum og viðhengjum hans er þess óskað að farið verði eftir 2. mgr. 44. gr. laga um fjarskipti nr. 107/1999 og gæta fyllsta trúnaðar, hvorki lesa efni hans né skrá það hjá yður né notfæra yður það á nokkurn hátt og tilkynna sendanda samstundis að hann hafi ranglega borist yður. Brot gegn þessu varða bótaábyrgð og refsingu skv. 57. gr. laganna. This e-mail message and any attachments are confidential and may be privileged. If you are not the intended recipient, please uphold strict confidentiality and neither read, copy, nor otherwise make use of its content in any way. Furthermore, please notify the sender immediately by replying to this message or by sending an e-mail, and destroy all copies of this message.

 

Hérna er 6.gr. laga nr. 30/2002 svo þið getið betur áttað ykkur á glæpnum.  Ég að vísu sé engan glæp.

III. kafli. Upplýsingaskylda.
6. gr. Almennar upplýsingar.
Þjónustuveitandi skal veita greiðan og samfelldan aðgang að eftirfarandi upplýsingum um sig:
   1. nafni,
   2. heimilisfangi þar sem hann hefur staðfestu,
   3. kennitölu,
   4. póstfangi, netfangi og öðrum þeim upplýsingum sem gera mögulegt að hafa samband við hann á greiðan hátt,
   5. virðisaukaskattsnúmeri þjónustuveitanda,
   6. þeirri opinberu skrá sem hann er skráður hjá, svo sem hlutafélagaskrá, samvinnufélagaskrá eða firmaskrá, og
   7. leyfi og eftirlitsaðila ef starfsemi hans er háð leyfum.
Ef um lögverndað starf er að ræða skal þjónustuveitandi einnig tilgreina:
   1. starfsheiti og í hvaða landi það er veitt,
   2. samtök sem þjónustuveitandi eða fyrirsvarsmaður hans er skráður hjá, og
   3. gildandi starfs- eða siðareglur og með hvaða hætti er unnt að nálgast þær.
Ef verð er gefið upp í tengslum við rafræna þjónustu skal það gert með skýrum og ótvíræðum hætti. Þegar rafrænni þjónustu er eingöngu beint að íslenskum neytendum skulu skattar innifaldir í verði.

21.6.2004

Ég á svo mikið af góðum bræðrum.  Einn þeirra, Rúnar Russel sem býr í Luxemburg, á afmæli í dag!!!!   Til hamingju með daginn Rúnar!!!   Til að móðga ekki afmælisbarnið verður árafjöldinn ekki gefinn upp.