12.6.2004

Þá er hægt að fá enska, pólska, franska og sænskar útgáfur af síðunni minni (hehehe)  Click here for english translation (Enska)  Trzaskać tutaj pod kątem polski tłumaczenie (Pólska)  Faire un déclic voici pour Français traduction (Franska)   Klick här för svensk översättning (Sænska) 

11.6.2004

SUMARFRÍ!!!  Við komum í land um 6 leitið og vorum að hreinsa skipið fyrir slippinn eitthvað aðeins fram yfir hádegið.  Kokkurinn nennti ekki að elda og fór því í Kaffi 59 og keypti pizzur fyrir liðið í hádeginu.  Hann steikti þó sjálfur franskar með herlegheitunum.  Almennilegur kokkur.

Svo kíkti ég í heimsókn til Roberts eftir vinnuna og þá til Óla bróður.  Óli gaf mér nú bjór og varð ég alveg afskaplega þreyttur eftir hann, og því get ég ekki skrizzzz zzzzzzz

Já sko, núna er herra F-frá Grundarfirði búinn að fá lag tileinkað sér!!!   SMELLA HÉR

7.6.2004

Í gær var nýjasta Formulu 1 brautin formlega vígð.  Var við hæfi að fyrsti bílinn sem þar ók var Ferrari F1 2003-GA.  Það kom í hlut Gerhard Berger, f.v. yfirmanns keppnisvéladeildar BMW og f.v. keppnisökuþórs Ferrari að keyra fyrstu hringina.  Berger var mjög svo ánægður með heiðurinn og lýsti mikilli ánægju með hvað brautin væri skemmtileg keppnisbraut.  Jafnframt óku 55 Ferrari og Maserati bílar á brautinni áður en keppni í Formula Renault fór fram á brautinni.

Við þetta tækifæri var Jean Todt liðsstjóri Ferrari spurður um hvenær við mættum eiga von á því að M.Schumacker hætti kappakstri og svaraði hann því svo að ef Schumi vildi vera lengur en til 2006 þá væri honum velkomið að keyra áfram fyrir Ferrari.

Svo fær Giancarlo Fisichella, Sauber ökuþór loksins að keyra fyrir Ferrari Maserati group, en þó fær hann ekki að keyra Ferrari.  Hann mun keppa á Maserati MC-12 bíl á Imola brautinni á Ítalíu í september.  Maserati hefur ekki keppt í neinum alvöru aksturskeppnum í fjöldann allan af árum, en núna ætla þeir að mæta aftur með þennan líka öfluga og flotta bíl.  Í byrjun árs var talað um að Fisichella yrði að prufukeyra fyrir Ferrari á árinu eins og hinn Sauber ökuþórinn Felipe Massa, en af því hefur ekki getað orðið vegna tæknilegra vandamála (lögfræðinga mál).  Massa er samningsbundin hjá Ferrari og er lánaður til Sauber sem keppnisökuþór og klæðist því Sauber galla eða Ferrari galla eftir þörfum, en þar sem Fisichella er samningsbundin hjá Sauber Petronas má hann ekki klæðast fatnaði merktum samkeppnisaðila Petronas (Shell), og er það aðal vandamálið með að hann fái að aka fyrir Ferrari.