28.5.2004

Það er sérstaklega stutt á milli keppna núna í formúlunni.  Um síðustu helgi var Monaco en núna um helgina verður Nurburgring í Þýskalandi.  Á síðustu árum hefa að jafnaði verið keppnir aðra hverja helgi en núna, frá og með Monaco eiga að vera 6 keppnir á 8 vikum.
Í morgun voru frjálsar æfingar fyrir keppnina á sunnudaginn og átti Kimi Raikkonen bestan tíma dagsins.  Barri var með 6. besta tíman og Sjúmmi með 9. besta tíman.  Munur á 11 hröðustu bílunum var innan við 1 sekúnda á hringinn. 
Sauber liðið lenti í smá vandræðum.  Vélin hjá Fissa bilaði og varð að skipta um hana og færist hann því niður um 10 sæti í ræsingunni miðað gang tímatökunnar á morgun.  Þar sem Sauber bílarnir hafa að jafnaði verið að ræsa í kringum 10. sæti gætu þeir líklega ákveðið að Fissi verði með mikið bensín í tímatökum og byrjun keppninnar og taki 1 eða 2 viðgerðarhlé meðan aðrir taki 2-3 hlé.  Massa tókst að ná 7 besta tímanum í morgun en eftir hádegið átti hann í eitthverum vandræðum með rafkerfið í bílnum og hætti æfingum snemma.

Verst þykir mér að vera alltaf úti á sjó um helgar og geta ekki fylgst með formúlunni í beinni útsendingu en það fer að lagast því það styttist í sumarfríið.

Ég var að taka saman smá tölulegar upplýsingar um störf mín á skipum yfir 12 tonnum og komst að því að ég hef verið skráður 2653 daga, þ.e. c.a. 7 ár og 3 mánuði.   26% af þessum tíma hef ég verið matsveinn, 12% netamaður og 62% háseti.  Ég hef verið skráður 832 daga á Runólfi SH-135 (1408), 769 daga á Hring SH-535 (1773), 893 daga á Grundfirðing SH-24 (1202), 122 daga á Fanney SH-24 (1964) og 38 daga á öðrum bátum.  Þess má geta að ég var fyrst skráður til sjós 16.12.1991 á Fanney í 5 daga. 

25.5.2004

Það er makalaust hvað Sauber gamli var ánægður með 5.sætið og stigin 4 sem Massa færði liðinu um helgina.  Mynd tekin af vef Sauber.

24.5.2004

Þá er ég kominn heim af sjónum og ætla að vera heima fram á fimmtudag kl. 18.  Það er voða lítið að frétta.  Bjössi er víst enn einu sinni kominn á Grundfirðing og hefur núna tekist að hrista af sér "fiskifælu" orðsporið sem hann fékk í vetur, enda batnandi mönnum best að fiska.

Svo vildi ólíklega til að hlé varð á sigurgöngu M.Schumacker og Ferrari-manna en notast var við eina mögulega ráðið til að stöðva hana, þ.e. að keyra á Sjúmma og skemma Fiat-inn hans.  Barri lenti í smá óhappi snemma í keppninni og varð hans fákur eitthvað erfiður í meðförum en hann skilaði sér þó á pallinn í 3ja sæti.  Þess má einnig geta að Barri átti afmæli s.l. sunnudaginn þegar keppnin var í Monaco.
Svo var nú gleðilegt að Felipe Massa, Sauber ökuþór & reynsluökuþór Ferrari, halaði inn 4 stigum og kom þar með Sauber liðinu í 5. sæti keppnisliða á kostnað McLaren sem núna er í 6. sæti. Felipe Massa er núna í 9.sæti ökuþóra.  Giancarlo Fisichella varð hins vegar fyrir akstursóhappi þegar Honda-vél í BAR-bíl Takumo Sato sprakk.  Varð svo mikill reykur úr bílnum að Fisichella sá ekki David Coulthard fyrir framan sig og ók aftan á hann með þeim afleiðingum að báðir urðu að hætta keppni. Sauber bíll Fisichella valt á 140km hraða en Fissi slapp ómeiddur. 

Norðmenn eru víst búnir að gefast upp á því sem íslendingar gáfust upp á, þ.e. að reyna bjarga Guðrúnu Gísladóttir af hafsbotni.  Sjá nánar frétt á skip.is