21.3.2004

Þá eru myndirnar úr afmælinu komnar inn.  SMELLA HÉRNA eða velja myndasöfn í valmyndinni vinstrameginn á síðunni.

Jæja, þá er maður kominn úr Reykjavík.  Það var nú rosalega gaman í afmælinu hjá Haraldi og munu myndir frá því koma síðar.  Svo fórum við á skemmtistað sem heitir "Klúbburinn" og er rétt við Gullinnbrú.  Þar var mikið af fráskyldum fertugum kellingum sem slógust um strákana.  En þetta var skemmtilegur hópur af fólki sem var úr afmælinu og skemmtum við okkur innan um eldra fólkið.  Svo hitti ég Hildi Gunnarsdóttur á Klúbbnum og einnig var þar staddur Óli Björn Gunnarsson, skipstjóri á Hreggnesi SH.

Ég fór í gær í BT Skeifunni og hitti þar fyrir ruglukollinn Tomma en hann seldi mér Sony 5M pixla stafræna myndavél og auðvitað fékk ég afslátt þar sem Tommi er svo góður drengur.  Ég tók auðvitað slatta af myndum í afmælinu og á Klúbbnum og munu þær birtast hér fljótlega.  

20.3.2004

Haraldur Róbert Magnússon er 30 ára í dag!!!!   Til hamingju með daginn Haraldur
Svo má til gamans geta að sonur Haraldar, Magnús varð 2ja ára, 18.mars s.l.

Svo þurfti ekki að spyrja um gæði Ferrari bílana í tímatökum morgunsins,  Schumi náði ráspól og Barri ræsir 3.  Svo eru McLaren druslurnar en í eitthverum erfiðleikum með vélaraflið.  Mark Webber var að gera góða hluti og endaði milli Schuma & Barra og tekst honum þá kannski að rífa upp Jagúar nafnið til vegs og virðingar.  Hitt liðið mitt, Sauber (með vélar) enduðu í 11. & 12. sæti í tímatökunni og er það a.m.k. einu sæti of neðalega, en þeir bæta nú vonandi úr því í keppninni.  Svo ræsa 4. Montoya (Williams), 5. Kimi (McLaren), 6. Button B.A.R.), 7. Ralf (Williams), 8.Trulli (Renault).  Svo ætlaði Alonso (Renault) sér of mikið og var kominn með mjög góðan tíma fyrir 2. sætið en þá snéri hann bílnum út úr brautinni og verður því að ræsa aftastur í fyrramálið ásamt Sato (B.A.R.). Það verður því ekki einungis spennandi að fylgjast með fremstu bílum í ræsingunni á morgun heldur 2. öftustu bílunum líka.  Líklega vinna þeir sig upp um nokkur sæti í ræsingunni.  Ef áræðanleikinn er til staðar í Ferrari bílunum í hitanum í Malasíu þá er hætt við að Ferrari vinni titilinn snemma í ár og tímabilið verði endursíning á 2002.

19.3.2004

Útlitið með fiskiríið var ekki gott í dag þegar við vorum búnir að draga 7 af 12 trossum og aðeins búnir að fá 1,5-2tonn, en þegar búið var að draga allt enduðum við með 12-13tonn.  En annars er ég bara ánægður með daginn og gott er að vera kominn í helgarfrí.  Ég er að spá í að kíkja til Palla danska í kvöld og bjóða honum bjór, en á morgun ætla ég til Reykjavíkur í 30 ára afmæli til Haraldar.  Einnig ætla ég að koma við á skrúfu deginum í Vélskólanum og skoða þar tækin og skólan.  Svo þarf auðvitað að útrétta eitthvað smotterí.

18.3.2004

Á morgun tökum við upp netin og förum í helgarfrí.  Þá er á dagskránni að heimsækja spilltu höfuðborgina okkar.  Þar ætla ég að fara í afmæli til Haraldar sem á afmæli á laugardaginn.  Svo gæti nú farið að maður kíkti á næturlífið í miðborginni. 

Í dag voru aflabrögð þau lélegustu hingað til á vertíðinni, að undanskyldum einum sérlega stórum fisk.  Já, núna er Flipper dauður, hann flæktist í netin hjá okkur og dó.  Því var ekki annað til ráða en búta hann niður í matinn.
Reyndar fengum við fyrr í mánuðinum annan óalgengan fisk og mun það hafa verið Sandhverfa

.

Sandhverfan sem við veiddum á Grundfirðingi 5.mars s.l.

Lognið með sandhverfuna

Þetta mun víst vera stökkbreyttur vélavörður með hvalaugga á bakinu, hinn mun vera yfirvélstjótinn

15.3.2004

Afli 11 tonn í dag og er það talsvert betra en síðustu daga.  Við fengum alla vega ágætan afla í lænunum sem við höfðum af Ársæli enn eitt árið.